الــروح روحــك..!

ياحزه الضيقه اللي غشت صدري  
                           وشلك بقلبن هموم الوقت حاشيته
لضاق صدري ترى ياناس لي عذري
                            قلبي على فزته اضلوعي حاميته
الوقت كدر حياتي والشقى بدري  
                             طفلا صغيرا هموم الدهر راميته
ياللي على شان قربه نتلف العمري
                               ارفق على من صدوف الوقت واطيته
ياللي بدينك جروحي بلمستك تبري 
                              تكفى ترى الجرح ينزف ليه خليته
الروح روحك ودمك في الجسد يجري 
                          والنبض نبضك وقلبك في الصدر بيته
انا حياتي عليك اليوم لو تدري 
                              الحق حبيبك قبل ياليت وياليته
ترى حبيبك عليلا والجسم مبري
                           والموت يطوي سجله كان ماجيته
واذا قضى ربي الموت وانحفر قبري 
                             ابكي على قبر خلك كان مريته